ArticleReviews

Battle Royale အတွေ့ကြုံအသစ်တစ်ခုပေးစွမ်းနိုင်မယ့် NetEase ရဲ့ Rover Rage

တရုတ်ဂိမ်း Developer ကုမ္ပဏီတစ်ခုဖြစ်တဲ့ NetEase ဟာလွန်ခဲ့တဲ့ရက်တစ်ချို့ကစိတ်ဝင်စားဖို့ကောင်းတဲ့ဂိမ်းတစ်ခုကိုမိတ်ဆက်ပေးခဲ့ပါတယ်။ Copycat ကြီးလို့အခေါ်ခံနေရတဲ့ NetEase အတွက်တော့ကိုယ်တိုင်ဆန်းသစ်ဖန်တီးထားတဲ့ဂိမ်းအသစ်တစ်ခုကိုထပ်ပြီးထုတ်ပြနိုင်ခဲ့ပြီဖြစ်ပါတယ်။ ဂိမ်းနာမည်က Rover Rage လို့ခေါ်ပြီး Action/ Battle royale အမျိုးအစားအဖြစ်သတ်မှတ်နိုင်ပါတယ်။

လူသူမရှိတဲ့ဂြိုလ်တစ်ခုမှာလက်နက်ဆန်းတွေနဲ့ အာကာသထဲမောင်းနှင်လို့ရတဲ့ကားတွေကိုစိတ်ကြိုက်တီထွင်ပြီး Battle Royale ပုံစံကစားရမယ်ဆိုရင်စိတ်ဝင်စားကြမလား? ? ဟုတ်ပါတယ်…..Rover Rage ဟာအပေါ်ကပြောသွားသလိုကစားရမှာပါ။ ဒီဂိမ်းကိုတရုတ်မှာ beta ပေးဆော့ထားတာကြာပြီဖြစ်ပြီး အခု english version ကို global unreleased အနေနဲ့ထွက်လာတာဖြစ်ပါတယ်။ Global စောင့်မျှော်နေတဲ့သူအများအပြားရှိပြီးအခုတည်းက player အတော်များများရနေပါပြီ။

ဂိမ်းအကြောင်းကိုပြန်ဆက်ရရင်ဒီဂိမ်းဟာလူမပါတဲ့ Battle royale ဂိမ်းတစ်ခုဖြစ်ပါတယ်။ ဘယ်မှန်းမသိတဲ့ပြစ်လွှတ်စင်နေရာတစ်ခုမှာ player တွေကစစချင်းစက်ရုပ်လေးတွေအဖြစ်စောင့်ဆိုင်းနေရမှာပါ။ ပြစ်လွှတ်စင်ကနေနေရာယူပြီးမြေပုံပေါ်ကိုဆင်းရမှာဖြစ်ပါတယ်။ မြေပုံပေါ်ရောက်ရင်တော့ပြန့်ကျဲနေတဲ့ကားတွေကို capture လုပ်ပြီး ပိုကောင်းတဲ့လက်နက်တွေ equipment တွေရှာရင်း upgrade တွေလုပ်ရင်း PvP ပုံစံဖိုက်ရမှာဖြစ်ပါတယ်။ ထူးခြားတာတစ်ခုကတော့ ကဆော့ကရင်းသေသွားခဲ့ရင် ပြန်ရှင်မှာဖြစ်ပြီးအမှတ်စနစ်နဲ့အနိုင်အရှုံးဆုံးဖြတ်တာဖြစ်ပါတယ်။

စာရေးသူအနေနဲ့ဒီဂိမ်းလေးကို recommand ပေးချင်ပါတယ်။ အထူးသဖြင့် sci-fi နဲ့ action အမျိုးအစားကိုကြိုက်တဲ့သူတွေအတွက်အထူးသင့်လျော်တဲ့ဂိမ်းမျိုးဖြစ်ပါတယ်။ ကစားကွင်းထဲမှာကိုယ်မောင်းမဲ့ယာဉ်ကိုကြိုက်သလိုထွင်၊ ကြိုက်တဲ့လက်နက်တပ်ပြီးထင်တိုင်းကြဲနိုင်မှာဖြစ်တဲ့အတွက်ပျော်ဖို့ကောင်းမယ့်ဂိမ်းမျိုးပါ။ ဘီးနဲ့မြန်မြန်သွားမလား၊ စက်ရုပ်လက်ကြီးတွေနဲ့အထာကျကျခုန်ပေါက်နေမလား (ဒါမှမဟုတ်) လေပေါ်ပဲပျံနေမလား စသင့်ဖြင့်အဆုံးမဲ့တဲ့ဖြစ်နိုင်ချေတွေနဲ့လက်နက်မျိုးစုံပါဝင်ပါတယ်။ ပိုပြီးတော့ဆော့ချင်သွားအောင် အောက်မှာ trailer လေးပါထည့်ပေးထားပါတယ် ? တစ်ချက်ကြည့်ကြည့်လိုက်ပါဦးနော်။

ဘယ်လိုလဲ….? Trailer ကြည့်ပြီး ကြွေကြ-မြေခ ကုန်ကြပြီမို့လား ကျွန်တော်ကိုယ်တိုင် trailer မြင်မြင်ချင်းချက်ချင်းကြွေမိသွားလို့ offical တောင်မစောင့်နိုင်ပဲချက်ချင်းဒေါင်းဆော့ထားပါတယ်။ အားနည်းချက်အနေနဲ့ graphic ပိုင်းအနည်းငယ်အားနည်းတယ်လို့မြင်ပါတယ် (ကိုယ်တိုင်ကအကောင်းကြိုက်လို့လားမသိ ?)။ ကျန်တာအကုန်ဖိုင်းပြီးဆော့ကောင်းပါတယ်ဗျာ။ ပြောဖို့ကျန်တာက multiplayer အပြင်အခန်းလိုက်ဆော့ရတဲ့ campaign mode ပါဆော့လို့ရပါသေးတယ်ဆိုတာပါ။ Unreleased ဖြစ်တဲ့အတွက်ဆော့ရင်းနဲ့ error တွေများကြုံခဲ့လို့ရှိရင် စာပို့ပြီးပြင်ခိုင်းလို့ရပါသေးတယ်။

ကဲ offical မစောင့်နိုင်တော့တဲ့သူများကတော့အောက်က link ကနေတစ်ဆင့်ဒေါင်းယူနိုင်ပါပြီနော်။ အားလုံးပဲသာယာတဲ့ gaming နေ့လေးတစ်နေ့ကိုပိုင်ဆိုင်နိုင်ပါစေခင်ဗျာ။

Download link – Android

Tags:

We will be happy to hear your thoughts

Leave a reply

Register New Account
Reset Password